Është arritur marrëveshje mes Ministrisë së Arsimit dhe Shkencë dhe Sindikatës për Arsim, Shkencë dhe Kulturë, siç thuhet nga palët, pas një dialogu intensiv dhe konstruktiv.
Testimi ekstern, si proces i kontrollimit të dijes së nxënësve dhe i objektivitetit të mësimdhënësve do të vazhdojë të aplikohet. Nuk do të hiqet as matematika, pasi sipas Ademit nxënësit kanë qenë të njoftuar me kohë se detyrimisht do duhet t’i nënshtrohen atij. Marrëveshja parasheh zgjidhje konkrete për secilën temë. Zgjidhje të pranueshme për të dy palët dhe në favor të procesit edukativo – arsimor. Por, edhe me masa stimuluese për mësimdhënësit që të jenë edhe më kreativ dhe cilësor në punën e tyre. Dënimet për mësimdhënësit shndërrohen në masa stimuluese.
