Prej sot deputetët e LSDM-së edhe zyrtarisht në Parlament figurojnë si “deputet të shkarkuar” e jo si deputet të cilëve duhet t’iu merret mandati.
Në raportin “Deputeti im” i cili tregon punën e deputetëve prej muajit maj deri në dhjetor të vitit 2014-të, deputetët e opozitës figurojnë si “deputetë në largim”.
Në fillim të dhjetor të vitit të kaluar, deputetët që janë anëtarë të Komisionit parlamentarë për çështje afariste dhe mandatare- uminitare, vendosën që t’i dorëzojnë kryetarit të Kuvendit, Trajko Veljanovski raport në të cilin propozohet që t’u merren mandatet deputetëve të opozitës sepse nuk kanë marrë pjesë në punën e Kuvendit, e as, nuk e kanë njoftuar kryetarin se me arsye do të mungojnë nga puna në dhomën ligjvënëse. Atëherë, deputeti Zoran Ilioski nga VMRO DPMNE tha se deputetët e opozitës fare nuk janë brengosur për obligimet e tyre ndërsa të drejtat që iu takojnë nga mandati, shumë mirë i kanë shfrytëzuar.
-Nëse vërtetë do të dëshironin të japin dorëheqje, mundnin të vinin në seancën e parë personalisht, askush nuk mund t’i ndalojë, të kërkojnë fjalë, të dalin në foltore dhe të thonë : Unë, me këtë dhe këtë emër, jap dorëheqje dhe të largohen- tha Ilioski në komisionin ku debatohej për mungesën e deputetëve opozitarë.
Kur deputetët e opozitës dhanë dorëheqje, Kuvendi nuk ua pranoi, duke thënë se nuk i kanë respektuar procedurat dhe për këtë caktuan seancë në të cilën duhej të votohet për t’ua marrë mandatet. Për shkak të mosrespektimit të dorëheqjeve, një pjesë e madhe e deputetëve të LSDM-së i humbën vendet e tyre të mëparshme të punës sepse figurojnë si të punësuar në Kuvend.
Zëdhënësi i LSDM-së, Petre Shilegov thotë se nuk ka kurrfarë komenti lidhur me atë që ndodh në Kuvend.
-Ne dhamë dorëheqje dhe ngelim në këtë qëndrim ndërsa Kuvendi mundej të na i konstatoj dorëheqjet që në seancën e radhës e jo të bëjnë situata të këtilla- thotë Shilegov.
Sipas profesoreshës Mirjana Najçevska, kategoria “deputet në largim” nuk ekziston, as sipas Kushtetutës e as sipas ligjeve.