“Plenumi i shkollave të mesme” dënoi presionin ndaj nxënëses së shkollës së mesme Ilina Dimovska nga Velesi, të cilës iu ul sjellja për shkak të një qëndrimit në Facebook dhe kërkoi abrogimin e masës së shqiptuar. Nga “Plenumi i shkollave të mesme” thonë se shkolla në këtë mënyrë po kryen censurë dhe presion ndaj nxënëses së shkollës së mesme.
“Shkolla me këtë hap në mënyrë të egër cenon lirinë e mendimit, vetëdijes, mendimit dhe shprehjes së lirë të mendimit që garantohen me Kushtetutë, me çka kryhet tentim klasik për censurë dhe presion, pas çka në mënyrë plotësuese, nxënëses i pamundësohet e drejta e ankesës. Shprehim mbështetje për Ilina Dimovskën nga Velesi ndërsa aktin e shkollës e konsiderojmë si tentim të pasuksesshëm për cenimin e lirisë” thuhet në reagimin e “Plenumit të shkollave të mesme”
Ndërkaq, Ilina Dimovskës nga shkolla “Koço Racin” në Veles i është ulur sjellja sepse më 16 nëntor në Facebook ka shkruar qëndrim kritik ndaj punonjësve në shkollë. Dënimi është miratuar pa u shqyrtuar procesverbali, pa u grumbulluar Këshilli dhe pa u firmosur vendimi nga prindi.
