Katica Janeva si prokurore speciale kompetente në krye të prokurorëve të procedurës në rastin “Puçi”., ndër të tjera, do të duhet të deklarohet edhe për paraburgimin dhe masat e tjera për të siguruar, që janë caktuarve në rastin në fjalë, në mesin e tyre lideri i LSDM-së, Zoran Zaev dhe ish drejtor i Drejtorisë së Sigurisë dhe Kundërzbulim (DSK), Zoran Verushevski.
Këtë për “Meta”, e deklaroi Angele Ilievski, njëri nga avokatët mbrojtës të të akuzuarve të këtij rasti, sipas të cilit Janeva një javë më parë ka marrë materialet e rastit “Puçi”, që tani janë përgjegjësia e saj.
Sipas Ilievskit, Janeva mund të kërkojë nga gjykata të abrogohet paraburgimi të zëvendësojë me një tjetër, masë më të butë për të siguruar ose të kërkojë zgjatje. E njëjta gjë vlen edhe për masat që jua janë caktuar të pandehurve të tjerë.
Verushevskit, avokati i të cilit është Ilievski, çdo muaj i caktohet paraburgim. 30 ditët e fundit kanë kaluar më 27 shtator dhe u shty menjëherë edhe për 30 ditë, tjera por, sipas Ilievskit kjo asgjë nuk do të thotë për këtë rast, sepse, siç thotë ai, Prokurorja Speciale ndërkohë mund të bëjë kërkesa për ndërprerjen e kësaj mase ose zëvendësimin e saj me një tjetër.
Ndërkaq, të pandehurit për rastin “Puçi” sipas aktakuzës ngarkohen për vepra spiunazh, përgjimi i paautorizuar dhe audio- filmim dhe dhunë ndaj përfaqësuesve të autoriteteve më të lartë të shtetit.
