fbpx

Fronti 21/42: Ohri është larg nga përmbushja e rekomandimeve të UNESCO-s

-

Ekologët kritikojnë se katër muaj para skadimit të afatit, rekomandimet e UNESCO-s për rajonin e Ohrit nuk janë përmbushur. Fronti 21/42 thekson se vendi ynë nuk është as për së afërmi angazhimit thelbësor për përmbushjen e tyre, pasi Ligji vendimtar për rajonin e  Ohrit nuk është miratuar nga Parlamenti, njofton META.

Kjo shoqatë qytetare përkujton se s’është përgatitur Vlerësimi strategjik i ndikimit mbi mjedisin jetësor për Planin e menaxhimit me rajonin, ndërsa vendimet për të aprovuar moratorium të përkohshëm për ndërtim në Strugë dhe Ohër janë përshtatur me kujdes për të lejuar që të vazhdojë transformimi urban i bregut të liqenit edhe në periudhën në vijim.

“Në Planin aksionar të komunave Ohër dhe Strugë, Studimet për ndikimin e ndërtimeve të regjistruara të paligjshme mbi vlerat e trashëgimisë së jashtëzakonshme universale janë planifikuar vetëm për në vitin 2021”, paralajmëruan nga “Fronti 21/42”.

Sipas tyre, nuk ka asnjë arsye logjike përse procedura kryesore për ballafaqim me ndërtesat e paligjshme të vonohet për një periudhë kaq të gjatë. Fronti 21/42 gjithashtu përkujton se Komuna e Debarcës s’ka as plan as qëllim të ndalojë legalizimin e ndërtesave pa leje, ndërsa vetëm nga korriku në territorin e kësaj komune janë legalizuar 25 ndërtesa të reja të paligjshme.

“Këto ditë në publik është aktuale prishja e platformave të ndërtuara në mënyrë të paligjshme në vetë liqenin në disa objekte hotelerike në brigjet e Liqenit të Ohrit. Ne duam ta sqarojmë se: kjo s’ka fare lidhje me rekomandimin nr. 9 të UNESCO-s për përballje me ndërtimet e paligjshme”, theksohet në komunikatën e “Fronti 21/42”.

UNESCO i ka dhënë Komunës së Ohrit afat deri më 1 shkurtit 2020 për të zbatuar rekomandimet për mbrojtjen e pasurive natyrore. Nëse këto rekomandime nuk përmbushen, Komiteti i UNESCO-s në seancën e radhës në vitin 2020 do ta përfshijë rajonin e Ohrit në listën e Trashëgimisë botërore në rrezik.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.