Собранието на Република Македонија ненадејно, за 17 часот, закажа седница на која на дневен ред ставени се три закони. Прва точка е предлог-закон за дополнување на Законот за земјоделство и рурален развој, по скратена постапка, втора точка е предлог-закон за изменување и за дополнување на Законот за извршување на санкциите, по скратена постапка, и трета точка е предлог-закон за изменување и за дополнување на Законот за јавнообвинителска служба, по скратена постапка.
Иако ја нема на дневен ред, на оваа Собраниска седница, според неофицијални информации можно е тој да биде дополнет со оставката на премиерот Никола Груевски, кој во петокот ја достави до претседателот на Собранието, Трајко Вељаноски.