Поради топлото време, викендот во Скопје се регистрирани осум колапси, а се онесвестиле и млади и стари. На неколкумина им се слошило додека се движеле по улица.
Лекарите предупредуваат дека е потребно да се почитуваат општите препораки за заштита од повисока температура, одбегнување на директно изложување на сонце во периодот од 11 до 17 часот, консумирање лесна храна и повеќе течности. Особено внимателни треба да бидат постарите, хронично болни лица, кои треба редовно да ја земаат препишаната терапија.