fbpx

Серверот на УЈП за менување на лозинка не работи, граѓаните не можат да си ја проверат даночната пријава

-

Даночните обврзници – физички лица треба да влезат во својот кориснички профил, кој го регистрираа на системот „е-Персонален данок“, и до крајот на мај имаат рок да ја потврдат или коригираат претпополнетата Годишна даночна пријава.

Но, системот денеска има потешкотии во работата. Постои серверски проблем, поради кој, доколку граѓаните се обидат да ја сменат лозинката системот дава грешка. Бидејќи не си ја знаат старата лозинка, а нова не можат да добијат, не можат да влезат и да проверат состојба.

„До истекот на крајниот законски рок, граѓанинот може да го менува статусот на пријавата, односно да ја потврдува или коригира се до истекот на крајниот рок 31.5.2019 година. По истекот на законскиот рок на 1.6.2019 година, Годишните даночни пријави ќе добијат статус на конечни даночни пријави, согласно последниот статус на Годишната даночна пријава – потврдена или коригирана“, соопшти УЈП.

Оние даночни пријави што граѓаните нема да ги потврдат или да ги исправат, УЈП службено ќе ги потврди на први јуни. Пријавите во кои граѓаните интервенирале, потоа треба да бидат одобрени од УЈП. Ако УЈП не се согласува со внесените податоци од граѓанинот, тогаш ќе донесе решение за утврдување на персоналниот данок на доход за 2018 година.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Од денеска граѓаните на Македонија, Србија и Албанија со слободен пристап до пазарот на трудот во „Отворен Балкан“

Граѓаните на Македонија, Србија и Албанија од денеска можат да ја користат мерката Слободен пристап до пазарот на трудот во рамки на „Отворен Балкан“, соопштија од Владата. Мерката произлегува од...