Катастрофалните економски резултати се главна одлика на господинот „дил-ориентед“ и на неговиот претпоставен Никола Груевски, реагираат од СДСМ на прес-конференцијата на Владимир Пешевски.
– Дали Владимир Пешевски сака да му го чува стравот на Никола Груевски од губењето на власта или својот страв. Тоа e оној Владимир Пешевски за кој Никола Груевски рече дека е „дил-ориентед“, во еден од објавените разговори од проектот „Вистината за Македонија“. Поради нивните „дил-ориентед“ политики, 626.312 граѓани заминале од Македонија, пред сè, млади, образовани луѓе, според официјални податоци на Светска банка. Поради Никола Груевски, повеќе од 180.000 граѓани живеат со 40 денари на ден. „Дил-ориентед“ политиките на Груевски и на Пешевски затворија повеќе од 10.000 фирми во земјава, а секоја трета фирма е со блокирана сметка – реагираат од опозицијата.