„Во реалноста ниту има странски инвестиции ниту има нови работни места. Виртуелните инвестиции и виртуелните зони на Никола Груевски не се само празни ливади, туку на нив има и ѓубре“, пишува во соопштение на СДСМ.
„На местото на виртуелната индустриска зона Мауцкер, во Охрид, има депонија! Денеска Народна банка објави дека во третиот квартал од оваа година, во Република Македонија влегле само 8,5 милиони евра странски инвестиции. Тоа значи дека во тој квартал од годинава, во Македонија влегувале само по околу 2,8 милиони евра месечно странски инвестиции. Само 2,8 милиони евра странски инвестиции месечно е потврда за сите виртуелни инвестиции на Никола Груевски“, пишува во соопштението на СДСМ.
Од партијата додаваат дека со објавувањето на овој најнов податок, Народна банка и официјално ги потврди виртуелните странски инвестиции на Никола Груевски, со кои тој виртуелно се расфрла пред заминување.
„Единствените реални „инвестиции“ на Никола Груевски се парцелите на Водно, „мерцедесот“ од 600.000 евра, очилата од 60.000 долари, провизиите, тендерите за споменици вредни 630 милиони евра“, се вели во соопштението на СДСМ.
