Руската авиокомпанија „Когалимавиа“ планира од египетските власти да побара отштета поради падот на авионот „ербас А321“, кој кон крајот на октомври се урна врз Синајскиот Полуостров, како резултат на терористички напад.
– Египет е партнер на Русија во многу области и тие односи се градени со децении. Ги почитуваме и ќе се обидеме да постигнаме согласност со нив, без судска постапка –истакна бизнисменот Исмаил Лепијев, во чија сопственост е компанијата.
