fbpx

Германската министерка во Западна Африка предупреди на влијанието на Русија

Терористичките групи кои се шират и растечкото руско влијание во регионот имаат потенцијал дополнително да го дестабилизираат целиот регион во соседството на Европа, рече министерката

-

Германската министерка за развој Свења Шулц пред нејзиното патување во Западна Африка предупреди на исламистичкиот тероризам и руското влијание во тој регион.

„Терористичките групи кои се шират и растечкото руско влијание во регионот имаат потенцијал дополнително да го дестабилизираат целиот регион во соседството на Европа“, рече министерката, пренесе германската новинска агенција ДПА.

Таа одржа политички разговори во Буркина Фасо, во првата посета на европски министер откако Ибрахим Траоре ја презеде власта по воениот удар во 2022 година.

„На ова патување сакам да отворам канали за разговори, да ги слушам и да се залагам за нашите ставови“, рече Шулц.

Во Буркина Фасо, таа исто така ќе разгледува како напредуваат проектите кои им помагаат на образовните институции и медиумите да се борат против дезинформациите.

Шулц ќе го посети соседниот Бенин, на кој му се закануваат конфликти од Буркина Фасо.

Буркина Фасо, континентална земја во регионот Сахел со околу 23 милиони жители, со години е на удар на исламистички терористички групи кои се повеќе се приближуваат кон главниот град Уагадугу.

Буркина Фасо, како и нејзините соседи Мали и Нигер, кои исто така се управувани од војската по државните удари, се приближуваат кон Русија. Сите три земји се оддалечија од поранешната колонијална сила Франција, која претходно го поддржуваше регионот во борбата против тероризмот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Со хеликоптерска помош ренџери гасат пожар на Шара

На територијата на Национален Парк „Шар Планина" има активен пожар при што гори букова шума, ливади и меѓни стебла во приватни имоти, известуваат од Центарот за управување со кризи...