Руската Федерална служба за безбедност (ФСБ) води истрага за 1.600 лица и правни субјекти кои се осомничени за помагање на џихадистичката група Исламска држава, соопшти директорот на ФСБ, Александар Бортников.
Тој додаде дека агенцијата идентификувала 2.900 руски државјани кои се поврзани со борците во Сирија и во Ирак, наведувајќи дека во борбите загинале 198 лица, а во Русија се вратиле 214 лица, од кои 80 се осудени.
Рускиот претседател Владимир Путин изјави дека меѓу 5.000 и 7.000 државјани на Русија и на други поранешни советски држави ѝ се приклучиле на ИД.
