Руската војска соопшти дека повлекла околу 30 авиони од својата база во Сирија, вклучувајќи ги и сите „с-25“, авиони за копнени напади, што се наоѓале таму.
Портпаролот на руското министерство за одбрана, Игор Конашенков, не даде детални информации за тоа колку летала останале, но рече дека тој број изнесува отприлика онолку колку што е неопходно за борба против Исламска држава и фронтот Ал нусра, разгранок на Ал каеда во Сирија.
Рускиот претседател Владимир Путин во март нареди повлекување на повеќето руски сили од Сирија, но не прецизираше колку авиони ќе бидат повлечени, а колку ќе останат.
Русија претходно распореди повеќе од 50 авиони и хеликоптери во својата воена база на брегот на Сирија.