Иранскиот претседател Хасан Рохани изјави дека војската на неговата земја е „најдобрата сила во борбата против терористите во регионот“.
Рохани, за време на воената парада во земјата, рече дека војската е подготвена да им помогне на Ирак и на Сирија во борбата против милитантите на Исламска држава, додавајќи дека Техеран нема никакви воени претензии кон овие земји.
– Терористите се шират во регионот и единствена надеж се иранската војска и револуционерната гарда – рече Рохани, додавајќи дека блискоисточните земји не треба премногу да се потпираат на западните сили и да ги сметаат за бранители.
Иран веќе испрати воени советници во Ирак и во Сирија за да помогнат во борбата против милитантите.