fbpx

Рама побара Албанија одвоено од Македонија да ги почне преговорите со ЕУ

-

Албанија ќе побара од Европската Унија да го продолжи процесот на пристапување кон ЕУ одвоено од Северна Македонија, изјави денеска албанскиот премиер Еди Рама, пренесува агенцијата „Ројтерс“. Тој додаде дека Албанија веќе не може да чека Северна Македонија и Бугарија да го решат спорот.

„Нашиот политички курс во однос на ова прашање целосно ќе се промени“, изјави премиерот Еди Рама.

Говорејќи во Тирана, албанскиот премиер рече дека не е оптимист оти Бугарија ќе го тргне наскоро ветото што го постави за Северна Македонија.

Тој денеска го даде коментарот додека ја претстави националната анкета направена на повеќе од половина милион лица во Албанија, која покажа дека 67 отсто од анкетираните сакаат патот на зачленување кон ЕУ на Албанија и Северна Македонија да се одвои.

Бугарија го стави ветото за почеток на преговорите со ЕУ за Северна Македонија на крајот од 2020 година, а со тоа блокирана остана и Албанија.

Поголем дел од земјите-членки на ЕУ досега одбиваа да ги одвојат Албанија и Северна Македонија, иако кандидатурите на двете земји се поврзани и започнувањето на пристапните преговори бара едногласно одобрување од земјите на ЕУ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Старо видео од протест во Истанбул, споделено како ново по нападот врз Рафах на 26 мај

Турските медиуми не објавија за ниту еден протест пред конзулатот на Израел во Истанбул по воздушниот напад на Рафах на 26 мај. Новинската агенција Демирен на 27 мај објави...