Русија и понатаму се залага за решавање на трговските спорови со ЕУ и со Украина, изјави денеска рускиот претседател, Владимир Путин.
– Мислам дека ќе се вратиме на тие прашања повеќепати. Сакаме нормализација на односите во трговијата со своите партнери, со Украина и со ЕУ – рече Путин.
Рускиот претседател минатата недела им наредил на претставниците да ја суспендираат спогодбата за слободна трговска зона со Украина од 1 јануари следната година поради „вонредните околности што ги погодуваат интересите и економската безбедност“ на Русија.
Украина и ЕУ почнуваат да го применуваат билатералниот договор од 1 јануари.
Првиот потпретседател на руската влада, Игор Шувалов, рече дека Москва е подготвена да учествува во разговори и во потрага за компромис за трговскиот договор меѓу ЕУ и Украина.
