Странските агенции објавуваат за стравотен терористички напад каков што со години не е виден во Русија. Дописникот на Би-Би-Си од Москва јавува дека вечерва требало да се одржи концерт во салата „Крокус сити хол“. Напаѓачите влегле во фоајето на преполната сала и отвориле оган врз цивилите.
Оттаму додаваат дека напаѓачите на концертната сала биле облечени во воени униформи.
Информациите за загинати се различни, а бројките се движат околу 40 загинати. Сè уште нема официјални информации. Пукањето се случило пред почетокот на концертот на групата Пикник.
Security officers are storming the Crocus City Hall building where several attackers have barricaded themselves.
📹: Beware, News pic.twitter.com/ypNuf1Z6D2
— Novaya Gazeta Europe (@novayagazeta_en) March 22, 2024
Градоначалникот на Москва во својата прва реакција изјави дека се случила страшна трагедија.
„Во трговскиот центар Крокус Сити денеска се случува страшна трагедија“, изјави градоначалникот на Москва, Сергеј Собјанин, додавајќи дека повредените за време на инцидентот ќе ја добијат потребната помош.
Како што јавува ОСИНТ, „стотици, ако не и илјадници руски полицајци, војници, пожарникари и болничари сега пристигнаа во концертната сала ‘Крокус’ во главниот град Москва како одговор на првичниот терористички напад и големиот пожар што се чини дека произлезе од нападот“.
Hundreds if not Thousands of Russian Police Officers, Soldiers, Firefighters, and Paramedics have now arrived at the Crocus Concert Hall in the Capital of Moscow in Response to the Initial Terrorist Attack and the Massive Fire which appears to have resulted from the Attack. pic.twitter.com/KdY1xAEhMN
— OSINTdefender (@sentdefender) March 22, 2024
Инаку, Американската амбасада во Русија пред две недели, на 7 март, издаде безбедносно предупредување до граѓаните на САД, барајќи од нив „да избегнуваат големи собири во следните 48 часа“.
Амбасадата, исто така, соопшти дека „ги следи извештаите дека екстремистите имаат непосредни планови за напад на големи собири во Москва, вклучително и концерти“.
Според амбасадата, Американците во Москва треба да избегнуваат големи толпи и да ги следат локалните медиуми и да бидат свесни за сè што се случува во нивната непосредна околина.
