СВР Битола поднесе кривична пријава против А.Л. (60) од Битола поради постоење основан сомнеж дека извршил полов напад на дете кое не наполнило 14 години.
Двапати во октомври годинава, пријавениот, со своето патничко возило, ги пресретнал трите малолетни деца, две сестри и нивна малолетна другарка, кои се наоѓале кај лулашки во градскиот парк, ги викнал и ги однел надвор од градот во околно битолско село, каде врз сите три извршил полови дејства.
МВР денеска соопшти дека од судија на претходна постапка на пријавениот му е одредена мерка притвор во траење до 30 дена.
