fbpx

Повеќе од половина од домовите во Северодоњецк се целосно уништени од руското гранатирање

-

Жестоките борби и гранатирања во Донбас продолжуваат. Украинските власти тврдат дека од руските напади на градот Северодоњецк целосно се уништени 60 отсто од домовите, а дури 90 отсто од зградите во ова населено место со околу 100.000 жители се оштетени и ќе им биде потребна значителна поправка, јавува Би-би-си.

Стравувањата се дека Русија подготвува тактика по примерот на Мариупол за градовите од Донецкиот и Луганскиот регион. Најмалку 1.500 лица биле убиени во Северодоњецк, додека во градот се останати меѓу 12.000 и 13.000 граѓани. Нападите се постојани, а градоначалникот на Северодоњецк испрати предупредување до жителите дека екстремно е опасно да се евакуираат надвор од градот во моментов.

Укринформ јавува дека најмалку пет лица загинале во гранатирањето на населени места во Луганскиот регион. Руските сили започнале офанзива и за освојување на градот Словјанск во Донецкиот регион, а се обидуваат да го стават под контрола и градот Луман.

Украинските власти информираат дека Русија се обидува да доведе дополнителни сили од полуостровот Крим во јужните делови на Украина, јавува Укринформ. Воздушните напади продолжуваат и во другите украински региони, при што во бомбардирањата погоден е градот Днипро, но нема информации за погодените објекти и жртви.

Руските сили вчера извршија гранатирање и на градот Харкив, во којшто животот го загубија најмалку девет лица, пренесува Би-би-си. Градските власти на Харкив соопштија дека метро станиците ќе можат да бидат користени како засолништа од страна на граѓаните и во наредниот период, со цел да се избегнат цивилни жртви од руските напади.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Може да се раскине кој било договор, прашање е цената

Ванковска делумно точно оценила дека раскинувањето на договорите со Бугарија и Грција „е лесно“ и „малку потешко“. Но, нејзината проценка колку лесно или колку тешко се раскинуваат билатералните и...