Во последните 24 часа, направени се 1.272 тестирања, при што регистрирани се 180 нови случаи на ковид-19 и тоа најмногу 109 во Скопје, соопштија од Министерството за здравство. Со ова вкупната бројка на заразени во моментов е 2.790, а активни случаи се 1.009.
Новозаразени има во Куманово и тоа 26, во Штип – 15, 12 во Тетово, Гостивар – 8, Гевгелија – 2, и по еден заразен во градовите Дебар, Струга, Велес, Битола, Охрид, Валандово, Свети Николе и Неготино. Во изминатото деноноќие од вирусот починаа две лица на возраст од 52 и 68 години, а закрепнаа 11 пациенти.
Од вкупниот број направени тестови во изминатото деноноќие 16 теста се во рамките на скринингот во градинки во Штип, каде нема позитивни резултати на ковид-19.
Досега во земјата се направени вкупно 34.386 тестирања за корона вирус, информираат од Министерството за здравство.
Од почетокот на пандемијата заклучно денес:
- заразени лица: 2.790
- оздравени лица: 1.632
- починати лица: 149
- активни случаи: 1.009
