Вчера попладне во полициска акција во Куманово биле уапсени две лица за поседување пластичен експлозив, неофицијално информираат за „Мета“ од МВР.
Оттаму засега не откриваат повеќе детали за акцијата и дали таа е поврзана со инцидентот на караултата во Гошинце, кој МВР го оквалификува како терористички напад на државните институции.
Дел од медиумите шпкулираат дека еден од уапсените во акцијата е ветеран на УЧК, и дека, според неофицијални информации, биле уапсени и негови роднини, од кои едниот бил полициски инспектор.
Повеќе детали за полициската акција се очекуваат во текот на денешниот ден.
