fbpx

Почна хашкиот процес против Хашим Тачи

Тачи во 2020 година се произнесе за невин и ги негираше обвиненијата, дека наводно ги таргетирал наводните непријатели на етничките Албанци, вклучително и Србите и Ромите. Тој тогаш поднесе и оставка од функцијата претседател

-

Пред Специјалниот суд за извршени воени злосторства на припадниците на Ослободителната војска на Косово (ОВК) денеска почна судењето на поранешниот командант на ОВК и поранешниот косовски претседател, Хашим Тачи и уште тројца соучесници – команданти на поранешната ОВК.

Тој застанува на обвинителна клупа пред Хашкиот трибунал за воени злосторства и злосторства против човештвото, прогон, убиства и тортура во војната во 1998-1999 година.

Обвинението против Хашим Тачи беше поднесено во ноември 2020 година.

На првиот ден од судењето воведен говор ќе одржат обвинителите, а потоа во текот на неделата, воведен говор ќе имаат адвокатите на повеќе од 140 жртви, на кои судот им одобри да присуствуваат на судењето.

Тачи во 2020 година се произнесе за невин и ги негираше обвиненијата дека наводно ги таргетирал наводните непријатели на етничките Албанци, вклучително и Србите и Ромите. Тој тогаш поднесе и оставка од функцијата претседател.

Обвинителите, пак тврдат дека Тачи, кој го носеше прекарот „Змија“ за време на војната, е одговорен за повеќе од 100 убиства од страна на ОВК, од егзекуции до смрт на малтретирани затвореници.

Покрај Тачи, за извршени злосторства врз Албанци, Срби и Роми во Косово и во Албанија во 1998 – 1999 година обвинети се и членови на Главниот штаб на ОВК, Кадри Весели, Јакуп Красниќи и Реџеп Селими.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

САД сметаат дека нападите во Рафах не претставуваат целосна инвазија на градот

Соединетите Американски Држави не веруваат дека нападите на Израел врз Рафах во текот на изминатата недела не претставуваат целосна инвазија на градот, изјави портпаролот на Белата куќа Џон Кирби,...