fbpx

По 12 дена штрајк, од утре нормализација на железничкиот сообраќај

Товарните возови ќе почнат да сообраќаат уште попладнево, а од утре наутро ќе се нормализира и патничкиот сообраќај

-

Машиновозачите по 12 дена штрајк денеска се одлучија да го прекинат штрајкот, откако им бил исплатен вториот дел од платата за февруари и патните трошоци за март. Од попладнево ќе се нормализира товарниот железнички сообраќај, додека од утре во 6 часот ќе почнат да сообраќаат и патничките возови.

Машинскиот персонал во Железници на РСМ-Транспорт стапи во штрајк на 31 март годинава, со три барања што му беа предочени на раководството на државната компанија. Покрај исплатата на платата, тие побараа и зголемување на вредноста на бодот за 30 проценти, но и вработување на 40 машиновозачи.

Машиновозачите минатата недела имаа средба со новиот директор на Железници на РСМ-Транспорт, при што им било предочено дека ќе се исполни нивното барање за вработување на дополнителни машиновозачи за да се покрие актуелниот недостиг на кадар кој ќе управува со возовите.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сајберпанк играта „Ghostrunner“ до утре е бесплатна на „Epic Games“

Играта „Ghostrunner“ со сајберпанк тематика, паркур скокање и прекачување каде играте „уличен самурај” што користи надградена катана и кибернетски импланти, е достапна за бесплатно преземање од „Epic Games“ до...