Бидејќи бројот на македонските гласачи во Токио, Њу Делхи, Атина, Астана, Каиро, Киев, Талин и Тел Авив е помал од 10 лица на секое избирачко место, а во согласност со Изборниот законик, во овие дипломатско-конзуларни претставништва и конзуларни канцеларии нема да се спроведе гласање на предвремените парламентарни избори на 11 декември, информираат од Државната изборна комисија.
– Граѓаните што се пријавиле за гласање во овие дипломатско-конзуларни претставништва и конзуларни канцеларии, своето право на глас ќе можат да го реализираат на нивните избирачки места според адресните податоци во Република Македонија – информираат од ДИК.