Биографскиот филм „Опенхајмер“ (Oppenheimer) на режисерот Кристофер Нолан триумфираше на овогодишните Оскари со вкупно седум награди, меѓу нив и за најдобар филм, најдобар актер и најдобар режисер.
Драмата која ја раскажува приказната за „таткото на атомската бомба“, минатата година ја изгуби битката за заработка со „Барби“ (Barbie) за време на летното „Барбенхајмер“ соочување, но сега ја освои борбата со награди, при што комедијата на Грета Гервиг освои само еден Оскар – за најдобра оригинална песна.
Силијан Марфи беше прогласен за најдобар актер за неговата изведба како Роберт Опенхајмер, додека Роберт Дауни Џуниор беше прогласен за најдобар актер во споредна улога.
Марфи, освојувајќи го својот прв Оскар во неговата прва номинација, е и прв победник родум од Ирска во неговата категорија.
Кристофер Нолан го доби својот прв Оскар за најдобар режисер, победувајќи ги Мартин Скорсезе и Џонатан Глејзер.
„Опенхајмер“ победи и во категориите за монтажа, кинематографија и оригинална музика.
Актерката Ема Стоун приреди изненадување кога беше прогласена за најдобра актерка за нејзината улога во комедијата „Кутри нешта“ (Poor Things), победувајќи ја фаворитката Лили Гледстоун. Ова е втор Оскар во оваа категорија за Ема Стоун, која претходно ја освои истата награда за улогата во „Ла ла ленд“.
„Кутри нешта“ ги освои и наградите за продукциски дизајн, костимографија и фризура и шминка.
Во категоријата Најдобар меѓународен долгометражен филм победи драмата за холокаустот на германски и полски јазик „Зона на интерес“ (Zone of interest) – прв британски филм кој победи во оваа категорија. Филмот ја освои и наградата за најдобар звук.
Дејвајн Џој Рендолф го освои Оскарот за најдобра споредна женска улога за нејзината улога во драмата „Божиќните сирачиња“ (The Holdovers).
„Барби“ освои само една награда од осумте номинации, добивајќи ја наградата за најдобра песна за „What I Was Made For“ на Били Ајлиш.
Џастин Триет и партнерот Артур Харари ја добија наградата за најдобро оригинално сценарио за брачната драма „Анатомија на пад“ (Anatomy of a Fall).
Наградата за најдобро адаптирано сценарио му припадна на Корд Џеферсон за филмот „Американска Фикција“ (American Fiction).
Документарецот „20 дена во Мариопол“ (20 Days in Mariupol), кој ја раскажува приказната за руската инвазија на Украина, беше прогласен за најдобар документарен филм и стана прв украински филм добитник на наградата.
„Посакувам да можам да го заменам ова со тоа Русија никогаш да не ја напаѓа Украина, никогаш да не ги окупира нашите градови“, рече воениот репортер и режисер на филмот, Мстислав Чернов.
Синоќешната ноќ беше голема и за јапонската кинематографија, при што филмовите „Момчето и чапјата“ (The Boy and the Heron) и „Годзила минус еден“ (Godzila Minus One) ги освоија наградите за најдобар анимиран филм и најдобри визуелни ефекти.
Филмот „Убијци на цветната месечина“ (Killers of the Flower Moon) не освои ниту една награда, иако беше номиниран во десет категории.
Целосна листа на добитници:
Најдобар филм
American Fiction
Anatomy of a Fall
Barbie
The Holdovers
Killers of the Flower Moon
Maestro
Oppenheimer – ПОБЕДНИК
Past Lives
Poor Things
The Zone of Interest
Најдобар актер во главна улога
Бредли Купер – Maestro
Колман Доминго – Rustin
Пол Џамати – The Holdovers
Силијан Марфи – Oppenheimer – ПОБЕДНИК
Џефри Рајт – American Fiction
Најдобар актер во споредна улога
Стерлинг К. Браун – American Fiction
Роберт Де Ниро – Killers of the Flower Moon
Роберт Дауни Џуниор – Oppenheimer – ПОБЕДНИК
Рајан Гослинг – Barbie
Марк Рафало – Poor Things
Најдобра актерка во главна улога
Анет Бенинг – Nyad
Лили Гледстоун – Killers of the Flower Moon
Сандра Хулер – Anatomy of a Fall
Кери Малиган – Maestro
Ема Стоун – Poor Things – ПОБЕДНИК
Најдобра актерка во споредна улога
Емили Блант – Oppenheimer
Даниел Брукс – The Color Purple
Америка Ферера – Barbie
Џоди Фостер – Nyad
Дејвајн Џој Рендолф – The Holdovers – ПОБЕДНИК
Најдобар режисер
Anatomy of a Fall – Џастин Триет
Killers of the Flower Moon – Мартин Скорсезе
Oppenheimer – Кристофер Нолан – ПОБЕДНИК
Poor Things – Јоргос Лантимос
The Zone of Interest – Џонатан Глејзер
Најдобар анимиран филм
The Boy and the Heron – ПОБЕДНИК
Elemental
Nimona
Robot Dreams
Spider-Man: Across the Spider-Verse
Најдобро адаптирано сценарио
American Fiction – ПОБЕДНИК
Barbie
Oppenheimer
Poor Things
The Zone of Interest
Најдобро оригинално сценарио
Anatomy of a Fall – ПОБЕДНИК
The Holdovers
Maestro
May December
Past Lives
Најдобра кинематографија
El Conde
Killers of the Flower Moon
Maestro
Oppenheimer – ПОБЕДНИК
Poor Things
Најдора костимографија
Barbie
Killers of the Flower Moon
Napoleon
Oppenheimer
Poor Things – ПОБЕДНИК
Најдобар документарен филм
Bobi Wine: The People’s President
The Eternal Memory
Four Daughters
To Kill a Tiger
20 Days in Mariupol – ПОБЕДНИК
Најдобар краток документарен филм
The ABCs of Book Banning
The Barber of Little Rock
Island in Between
The Last Repair Shop – ПОБЕДНИК
Nǎi Nai & Wài Pó
Најдобра монтажа
Anatomy of a Fall
The Holdovers
Killers of the Flower Moon
Oppenheimer – ПОБЕДНИК
Poor Things
Најдобар меѓународен филм
Io Capitano
Perfect Days
Society of the Snow
The Teachers’ Lounge
The Zone of Interest – ПОБЕДНИК
Најдобра шминка и фризура
Golda
Maestro
Oppenheimer
Poor Things – ПОБЕДНИК
Society of the Snow
Најдобра оригинална музика
American Fiction
Indiana Jones and the Dial of Destiny
Killers of the Flower Moon
Oppenheimer – ПОБЕДНИК
Poor Things
Најдобра оригинална песна
The Fire Inside – Flamin’ Hot
I’m Just Ken – Barbie
It Never Went Away – American Symphony
Wahzhazhe (A Song for My People) – Killers of the Flower Moon
What Was I Made For? – Barbie – ПОБЕДНИК
Најдобар продукциски дизајн
Barbie
Killers of the Flower Moon
Napoleon
Oppenheimer
Poor Things – ПОБЕДНИК
Најдобар краток анимиран филм
Letter to a Pig
Ninety-Five Senses
Our Uniform
Pachyderme
WAR IS OVER! Inspired by the Music of John & Yoko – ПОБЕДНИК
Најдобар краток филм
The After
Invincible
Knight of Fortune
Red, White and Blue
The Wonderful Story of Henry Sugar – ПОБЕДНИК
Најдобар звук
The Creator
Maestro
Mission: Impossible – Dead Reckoning Part One
Oppenheimer
The Zone of Interest – ПОБЕДНИК
Најдобри визуелни ефекти
The Creator
Godzilla Minus One – ПОБЕДНИК
Guardians of the Galaxy Vol 3
Mission: Impossible – Dead Reckoning Part One
Napoleon
