59-годишнина од раѓањето на трагично загинатиот претседател на Република Македонија, Борис Трајковски, одбележа денеска Општина Струмица.
Одбележувањето се одржа пред споменикот „Македонија“ во големиот градски парк, пред кој претставници на Општина Струмица, јавните институции, политичките партии, здруженија и граѓани положија свежо цвеќе.
Пред споменикот беа прочитани и првонаградените творби по распишаниот литературен конкурс на тема „И по 11 години спомените за претседателот Борис Трајковски сè уште живеат“, а во организација на ЛУБ „Благој Јанков Мучето“ од Струмица.