fbpx

Одбележан Меѓународниот ден на мајчиниот јазик

Во рамки на одбележувањето на овој ден, во Институтот за македонски јазик ќе бидат презентирани творби на повеќе јазици, а ќе биде посетена и спомен-собата на Мисирков

-

По повод денешниот Меѓународен ден на мајчиниот јазик, 21 февруари, Меѓународниот семинар за македонски јазик, литература и култура (МСМЈЛК) при Универзитетот „Св. Кирил и Методиј“, организира „Македонистички час“ на лекторатите по македонистика на странските универзитети во светот. Освен тоа, и Институтот з македонски јазик денеска го одбележува Денот на мајчиниот јазик со посебна програма во рамки на Институтот.

Меѓународниот семинар при УКИМ има 11 лекторати по македонски јазик, литература и култура во: Турција (Инстанбул), Унгарија (Будимпешта), Полска (Краков и Сосновјец), Руската Федерација (Москва), Хрватска (Риека), Анкара (Р Турција), Романија (Букурешт), Франција (Париз), Кина (Пекинг) како и во Албанија (Тирана).

„Во годината која ректорката на УКИМ Биљана Ангелова ја прогласи за година на македонистиката, се одржуваат бројни кампањи, школи и активности, за да се афирмира македонистиката кај нас и во светот“, наведено е во соопштението од МСМЈЛК.

Кристина Николовска, директорката на Меѓународниот семинар, вели дека јазикот е суштина и највисока претставителност.

„Јазикот убавото лице на нашата култура. Тој живее и се прераѓа преку нас. Мисијата на македонистиката ја развиваме како високообразовна, научна и културна дејност која има меѓународно значење и непроценлива вонвременска вредност“, рече Николовска.

И Институтот за македонски јазик „Крсте Мисирков“ денеска во амфитеатарот на Институтот го одбележува овој ден. Свои обраќања ќе има директорката проф. д-р Елена Јовановска-Грујовска, министерката за култура Бисера Костадиновска-Стојчевска, како и проф. д-р Борче Арсов. Во рамки на одбележувањето ќе бидат презентирани творби на повеќе јазици, а ќе биде посетена и спомен-собата на Мисирков.

Меѓународниот ден на мајчиниот јазик беше прогласен од УНЕСКО во 1999 година. Идејата да се прослави овој ден беше на иницијатива на Бангладеш. Генералното собрание на Обединетите нации, го поздрави прогласувањето на денот во својата резолуција од 2002 година.

Денеска се зголемува свесноста за тоа дека јазиците играат витална улога во развојот, во обезбедувањето културна разновидност и меѓукултурниот дијалог, но и во зајакнувањето на соработката за поквалитетно образование за сите, како и во градењето инклузивни општества, но и во зачувувањето на културното наследство.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Кривична пријава против вработена во СВР Скопје, примала мито од 12.500 евра

Поднесена е кривична пријава против 41-годишната И.М. од селото Буковиќ во скопската општина Сарај, а која била вработена во СВР Скопје, поради постоење основи на сомнение за сторени кривични...