Здружението на млади „Млади од семејна разновидност“ ја издаде Брошурата за деца и млади од самохрани и еднородителски семејства. Ова е прв ваков документ за млади од самохрани и еднородителски семејства во земјава.
Брошурата содржи информации за законските права на децата и младите од оваа категорија и тоа за правата на социјална заштита, образование и бесплатна правна и психолошка помош.
„Со огромна мотивација и љубов ја креиравме оваа брошура со желба да помогнеме, покреваме свесност и да ги едуцираме младите од вакви типови на семејства кои се нивните права на социјална заштита, образование, но и да дадеме простор на останатите граѓански организации коишто даваат бесплатна правна и психолошка помош, да ги споделат своите услуги“, велат од „Млади од семејна разновидност“.
Од здружението информираа дека брошурата произлегла од спроведените работилници „Младински политики за младинско учество“.
Автори и уредници на документот се Станиша Станковиќ и Елена Божиновска.
Брошурата за деца и млади од самохрани и еднородителски семејства може да се најде на овој линк – на македонски и на албански јазик.
