Исламска држава не може да биде елиминирана сè додека не се најде политичко решение за Сирија, изјави американскиот претседател, Барак Обама, на Самитот за азиско-пацифичка економска соработка во Манила.
Американскиот претседател истакна дека граѓанската војна во Сирија нема да заврши сè додека на власт е претседателот Башар ал Асад.
– Не можам да ја предвидам ситуацијата во која може да ја заврши граѓанската војна во Сирија сè додека Асад е на власт – изјави Обама, додавајќи дека Русија и Иран мора да одлучат дали сакаат да го поддржат Асад или да ја спасат Сирија.