Претседателот на САД, Барак Обама, вели дека потеклото на самопрогласената Исламска држава е американската инвазија на Ирак во 2003 година.
Обама во интервју за „Вајс њуз“ првпат изјави дека постои директна врска меѓу инвазијата на Ирак и ИД, којa изникна од Ал каеда.
– ИД директно израсна од ирачката Ал каеда, која изникна од нашата инвазија – рече Обама и додаде дека станува збор за „пример за несакани последици поради кои генерално би морале прво да нишаниме пред да стреламе“.
Претседателот во интервјуто изрази уверување дека коалицијата од 60 нации „полека ќе ја истурка ИД од Ирак“, но дека екстремизмот нема да престане додека не се најде политичко решение за внатрешните немири што владеат во земјите на Блискиот Исток.
