НАТО денеска категорично ги отфрли обвиненијата на Русија дека активностите и проширувањето на Алијансата претставуваат закана за руската сигурност.
Портпаролката на НАТО, Оана Лугеску, изјави дека Алијансата ја проучува новата руска безбедносна доктрина, која е усвоена минатата недела.
– Категорично ги отфрламе неоснованите обвиненија дека политиката на НАТО претставува закана за безбедноста на Москва – изјави Лугенск.
Во новиот руски документ, кој минатата недела го потпиша рускиот претседател Владимир Путин, се наведува дека НАТО го крши меѓународното право и ја приближува својата структура до руските граници.
Коментирајќи го незадоволството на Русија поради повикот на Црна Гора да стане 29 земја-членка на организацијата, Лугенск нагласи дека проширувањето на НАТО не треба да се гледа како закана, како и дека секоја суверена земја има право да избере дали ќе пристапи кон Алијансата или не.