Министерството за внатрешни работи (МВР) во текот на вчерашниот ден (16 септември) продолжило со засилените акциски контроли во областа на сообраќајот. На територија на град Скопје изречени биле вкупно 379 санкции, меѓу кои возење без возачка дозвола 17 лица, пречекорување на дозволената брзина на движење 101 прекршоци, нерегистрирани и технички неисправни возила 32, 41 санкционирани мотоциклисти, 66 мерки за непрописно паркирани возила и 68 возила подигнати со пајак, а изречени се и 78 санкции за неносење на заштитна маска.

Како што информираат од МВР, засилените сообраќајни контроли продолжуваат и во текот на наредните денови. Тие апелираат до граѓаните да ги почитуваат сообраќајните правила и прописи за да се зголеми безбедноста во сообраќајот. Засилените полициски контроли започнаа на 15 септември, а покрај во Скопје, тие ќе се одвиваат и во останатите градови низ земјава.

Од МВР потенцираат дека засилените контроли ќе се однесуваат особено за оние прекршоци кои може да предизвикаат сообраќајни несреќи со сериозни последици.