Генералниот директор на Државните театри на Турција, Неџад Биречик, и директорите на Македонскиот народен театар, Дејан Лилиќ, и на Турскиот театар – Скопје, Атила Клинче, потпишаа меморандум за соработка и за културна размена.
Тие беа примени во кабинетот на министерката за култура, Елизабета Канческа-Милевска, која во оваа пригода истакна дека потпишувањето на меморандумот ќе придонесе за подобро запознавање на драмското творештво на двете земји, за реализација на заеднички проекти и за размена и за учество на уметниците од двете земји на значајни културни манифестации во Македонија и во Турција.
Канческа-Милевска истакнала дека двете земји имаат традиционално одлична соработка во сите сегменти од областа на културата, што резултира со повеќе значајни проекти, особено во областа на заштитата на културното наследство.
Таа изразила уверување дека соработката значајно ќе се зголеми со отворање културно-информативни центри во Истанбул и во Скопје.
