fbpx

Мицкоски: Во општините со градоначалници од ВМРО-ДПМНЕ реализирани се 10.359 проекти

-

Во општините со градоначалници од ВМРО-ДПМНЕ, реализирани се преку 10.359 проекти од инфраструктурата, образованието, индустријата, спортот и секојдневниот живот, информираше денеска генералниот секретар на ВМРО-ДПМНЕ, Христијан Мицкоски.

Тој додаде дека „градоначалниците од ВМРО-ДПМНЕ во своите општини изградија и реконструираа преку 2.170 улици и патишта, односно беше поставен преку 1.750 километри нов асфалт.“

– Се заменија или поставија нови водоводни и канализациони мрежи во должина од 700 километри, а во вредност од 68 милиони евра. Во соработка со владата, во општините каде што градоначалниците се од ВМРО-ДПМНЕ, во изминатите четири години се изградија 33 нови основни и средни училишта, а се реконструираа преку 290. Беа изградени 28 нови градинки, а се реконструираа преку 85. Се изградија 24 спортски сали и 399 повеќенаменски игралишта низ цела Македонија, 57 плоштади и 142 паркови – , изјави Мицкоски.

Тој кажа дека во претстојниот период сите градоначалници од ВМРО-ДПМНЕ ќе дадат отчет за својата работа.

– Како и на сите изборни циклуси досега така и сега, кандидатите за градоналници на ВМРО-ДПМНЕ на овие локални избори ќе излезат со реална програма исполнета со прецизни рокови, детали и потребни средства за реализација на она што ќе ви го ветиме и она за што ќе ни ја дадете довербата – додаде Мицкоски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Грчкиот дипломат Рокас доаѓа на местото на Дејвид Гир како амбасадор на ЕУ за С. Македонија

Жосеп Борел, високиот претставник на Европската Унија, номинираше 44 нови шефови на делегации на ЕУ, вклучително и нови амбасадори на ЕУ во Босна и Херцеговина, Црна Гора и Северна...