Лидерите на главните политички партии се состанаа денеска во Клубот на пратеници за да ги продолжат дискусиите за точната организација на владата што ќе ги подготви изборите, како што е предвидено во шестата точка од договорот од 2 јуни, се вели во партиските соопштенија на СДСМ, ДУИ и ВМРО-ДПМНЕ.
– Во овој контекст, лидерите се договорија да се состанат повторно во деновите што следуваат. Премиерот Никола Груевски, го претстави владиниот нацрт-план за примена на препораките што се однесуваат на системски реформи во областа на владеење на правото што е потребно да се спроведат во согласност со точката 6 од договорот од 2 јуни – се додава во заедничкото соопштение на СДСМ, ДУИ и ВМРО-ДПМНЕ.