Американската Национална безбедносна агенција ги шпионирала француските претседатели Жак Ширак, Никола Саркози и Франсоа Оланд во периодот од 2006 до 2012 година, односно еден месец откако Оланд ја презеде функцијата од Саркози, пишува францускиот весник „Либерасион“.
Покрај претседателите, прислушувани биле и министри и францускиот амбасадор во САД. Прислушуваните разговори, меѓу другото, се однесувале на грчката должничка криза и на односите со Германија. Претседателот Оланд за денеска свика итен состанок на националниот совет за безбедност во врска со документите на „Викиликс“.
