Рускиот министер за надворешни работи, Сергеј Лавров, изјави дека САД испраќа сигнали дека сака да ги подобри односите со Москва, кои се разнишани поради ситуацијата во Украина.
САД и ЕУ и воведоа економски санкции на Москва поради соединувањето на Крим со Русија и наводната руска поддршка на проруските сили во Источна Украина.
САД и Русија и покрај тоа, продолжија да соработуваат во некои области особено за постигнување договор за ограничување на иранската нуклеарна програма.
Лавров истакнал дека Москва е отворена за понатамошен дијалог, дека нема да „моли“ за подобра врска, но и дека нема да ги отфрла предлозите дури и за постепено обновување на каналите за дијалог и соработка.
– Ние веќе добиваме вакви сигнали од Американците, но за сега не се толку јасни – рече Лавров.
Освен околу Украина, САД и Русија не се согласуваат ни околу решавање на сириската криза, човековите права, како и некои трговски и безбедносни прашања.