Израелскиот министер за надворешни работи Ели Коен пред почетокот на Министерскиот совет на ОБСЕ во Скопје изјави дека неговата земја е посветена на продолжување на борбата против терористичката организација Хамас.
„Хамас е ИСИС“, порача министерот Коен од Скопје.
Тој додаде дека 7 октомври беше трагичен ден за Израел, како и дека има единствен виновник за целокупното страдање на луѓето во Газа, создадениот ѕид и заложниците одведени во Газа, а тоа е Хамас.
Израелскиот министер изјави дека се посветени за да ги ослободат сите заложници на Хамас и за елиминирање на оваа терористичка организација.
„Вакви злосторства не треба да се случат никаде во светот“, изјави израелскиот министер за надворешни работи.
И покрај привремениот прекин на огнот во Појасот Газа како можност за ослободување на киднапираните лица од Хамас во овој период, израелскиот министер за надворешни работи вети дека Израел ќе ја продолжи борбата против Хамас.