Русија предложила воени преговори со САД за Сирија, а Вашингтон ги разгледува следните чекори, соопшти денеска американскиот државен секретар, Џон Кери.
Кери разговарал со Белата куќа и со Пентагон за предлогот кој следел по неговиот неодамнешен разговор со шефот на руската дипломатија, Сергеј Лавров.
– Русите предлагаат… да одржиме воени преговори… за да разгледаме што точно да се направи за да се стави крај на конфликтот, имајќи го предвид потенцијалниот ризик и да имаме целосно јасна слика за патот кој е пред нас и какви се намерите – рече Кери по состанокот со јужноафриканскиот колега.
