Канада ќе ја прошири воената кампања против Исламска држава и ќе почне воздушни напади на позициите на сунитските џихадисти во Сирија, како што тоа веќе го прави во Ирак, соопшти денеска канадскиот премиер Стивен Харпер.
Канада, по САД, ќе биде втората членка на НАТО што од воздух ќе ја напаѓа ИД во Сирија. Воздушни напади на позициите на џихадистите во Сирија изведуваат и воените авиони на Јордан и на Обединетите Арапски Емирати.
Харпер соопшти дека Канада планира да ја продолжи својата шестмесечна мисија на една година, до март 2016 година.
Канада на северот на Ирак има 70 специјалци, а шест нејзини авиони учествуваат во бомбардирањата на ИД во Ирак, предводени од САД.