fbpx

ЈСП ќе добие дополнителни субвенции, советниците на ВМРО-ДПМНЕ бесни

Од советничката група на СДСМ и коалицијата рекоа дека иако се опозиција во Град Скопје, ќе го поддржат субвенционирањето на ЈСП поради грижа за интересот на граѓаните

-

Со многу кавги и префрлувања помина денешната седница на Советот на Град Скопје, на кој на крајот беа усвоени дополнителните субвенции за ЈСП-Скопје во висина од 110 милиони денари. Со 24 советници коишто гласаа „ЗА“ и двајца против, Советот на Град Скопје попладнево ја донесe одлуката за субвенции.

Од ВМРО-ДПМНЕ, чии советници денеска присуствуваа на седницата и не гласаа за одлуката за дополнителни субвенции за ЈСП, велат дека СДСМ, Левица и ДУИ денеска покажале оти се власт во Град Скопје, бидејќи овозможиле на ЈСП речиси 2 милиони евра.

„Точно се виде дека постои јавна коалиција помеѓу СДС, Левица и ДУИ со чии гласови ЈСП доби нови 2 милиони евра, без образложение за што ќе се трошат тие пари. Политичкото дно Данела Арсовска покажа дека Градот Скопје го води кон банкрот, со јавната поддршка на ДУИ, СДС и Левица“, велат од ВМРО-ДПМНЕ.

Тие обвинуваат за нова коалиција во Советот на град Скопје.

Наспроти ВМРО-ДПМНЕ, советниците од СДСМ при гласањето побараа од претседателот на советот Трајко Славески поединечно гласање за одлуката, но тој само констатираше дека одлуката од советниците е донесена и ја прогласи седницата за завршена. Инаку, советниците на ВМРО-ДПМНЕ беа присутни на седницата, но како и претходниот пат, не гласаа на истата за одлуката за субвенции.

Од советничката група на СДСМ и коалицијата рекоа дека иако се опозиција во Град Скопје, ќе го поддржат субвенционирањето на ЈСП поради грижа за интересот на граѓаните. Совтникот Гордан Шутаров од СДСМ рече дека ако ВМРО-ДПМНЕ не го кочеле проектот за БРТ, денеска немаше да зборуваме за катаклизми и хаос во јавниот превоз.

„Субвенциите на ЈСП ги поддржуваме. Не даваме поддршка за ново задолжување на Град Скопје затоа што 2 години се залагаме за нов концепт на јавен превоз во Скопје, тоа е БРТ, проект којшто после 2 години кочење можеби и ќе се реализира. Да не беше закочен тој проект за БТР од страна на локалната власт на ДПМНЕ во Советот на Град Скопје денеска ќе имавме половина реализиран проект, со цени и спецификации како проектот тогаш што бил направен“, изјави Шутаров.

Директорот на ЈСП-Скопје, Крсте Петревски во своето обраќање пред советниците рече дека повторно се говори на идентичната точка, која не беше претходно усвоена. Петревски пред гласањето апелираше до советниците да ги изгласаат субвенциите, затоа што се доведува под знак прашање исплатата на плата на вработените, а со тоа се доведува во опасност и функционирањето на целиот јавен превоз.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Укинати мерките и притворот за шестмина за упадот во М-НАВ

Јавен обвинител од Основното јавно обвинителство до судии на претходна постапка при Основниот кривичен суд, доставило предлози за укинување на мерките за обезбедување присуство, односно мерките притвор и куќен...