Рускиот контролен центар изгубил контрола над рускиот вселенски товарен брод „Прогрес“, кој би требало на Меѓународната вселенска станица да ѝ достави гориво и храна.
„Прогрес“ има проблем со пренос на податоците и се движи неконтролирано. Затоа, руските контролори за летање одлучиле да се обидат да користат режим на екстерна контрола за да го запрат неконтролираното движење на бродот.
„Прогрес М-27М“, кој вчера наутро од космодромот „Бајконур“ беше лансиран на ракетата „Сојуз“, не влезе во планираната орбита поради дефект на лансерот.
Рускиот и американскиот дел на станицата и понатаму нормално работат и имаат доволно резерви за да функционираат до пристигнувањето на следниот товарен брод.
