Судскиот совет на Република Македонија денеска избра 14 претседатели на судови.
Како што се наведува во соопштението, издадено по денешната седница, за претседател на Основен суд Берово е избрана Голубинка Козовска, за Основен суд Битола – Дејан Крстанов, за Основен суд Велес – Александар Шопов, за Основен суд Виница – Благој Цикарски, за Основен суд Гевгелија – Драги Дилберов, за Основен суд Делчево – Миле Ѓоргиев, за Основен суд Кавадарци – Зоран Јосифовски, за Основен суд Кичево – Баки Алили, за Основен суд Крива Паланка – Анкица Димитровска, за Основен суд Неготино – Ацо Анѓелковски, за Основен суд Прилеп – Јане Тренчевски, за Основен суд Скопје 2 – Илир Сулејмани, за Основен суд Свети Николе – Слободан Арсовски и за Основен суд Штип – Емил Пилатов.
Претседателот на Судскиот совет, Бранко Ушковски, истакна дека изборот бил транспарентен и оти избраните кандидати ги исполнувале условите предвидени со Законот за судовите и во последните две години имале највисока оцена.