Претседателот на Македонија, Ѓорге Иванов, упати честитка до сите христијански верници што го прославуваат Божиќ според Грегоријанскиот календар.
– Божиќ е празник на семејството, ден кога се молиме за добро здравје, среќа и за радост. Нека бадниковата вечер и Божиќ внесат топлина во домот, а семејството и ближните нека ги исполнат со добра мисла, добрина и со благослов. Овој голем христијански празник нè учи да бидеме солидарни, затоа да споделуваме со тие што имаат помалку, да им помогнеме на немоќните и на обесхрабрените – се вели во честитката на Иванов.