Од 7 март, за исчезнат се води 25-годишниот Тони Корачоски од Прилеп, кој веќе шест месеци бил хоспитализиран во психијатриската установа во Демир Хисар. Во саботата на 7 март, околу 15 часот, вработените во болницата забележале дека пациентот го нема, а по неколку часа била известена неговата мајка и почнала потрага по момчето, кое по смртта на неговиот татко, пред три години, со нарушено психичко здравје, неколкупати било лекувано во демирхисарската болница.