Играта за возрасни, со експлицитни сцени, Inquisitor излегува утре. Иако веќе пишувавме за оваа игра (што може да се прочита овде), сега излезе демото на оваа игра и има нови информации и од луѓе што имале пристап до целосната игра, повторно се навраќаме на неа.
Демото за оваа игра е добра можност да се запознаете со неа, а во продолжение го споделуваме и трејлерот, којшто беше најавен на GamesCon 2023:
Полскиот писател Јасек Пиекара, којшто е авторот на приказната за оваа алтернативна религиозна историја – во која Исус откако е закован на крстот, употребува сила и се ослободува и е на пат на одмазда против Римското царство, но многу подоцна во средниот век протагонистот во играта-Иквизиторот бара одреден вампир и пресудува на криминалци што ги лови по детективски истраги во градот „Крникштајн”.
Игрите на кои потсетува оваа игра се Вичер 2 и Thief, а голем број „механики“, па и поставки, се земени од серијалот „Бетмен Аркам“. На крајот на играта ловите и дворски шут-убиец, којшто потсетува многу на Џокер.
Исто така има и сцени во „астралната димензија“, каде може да набљудувате како се одвивале настаните – но таму има еднооко чудовиште што не смее да Ве забележи, како и други непријатели. Чудовиштето има иста механика како страшилото во Batman Arkham Asylum, со гејмплеј по ист принцип, но со таа разлика што комбатот во Бетмен е доста подобар до ден-денешен. Инаку, точно е тоа што се спомнува во критиката на IGN – дека „астралната димензија“ го прави сосема бескорисно детективското истражување ,што е главен дел на играта. Дури го има и скенирањето од Бетмен во вид на молитва која ја прави Инквизиторот во движење што му открива нови интеракции.
Тоа што се знае е дека глумата со глас е одлична, но ликовите се лошо анимирани во очите, кои напати се движат премногу роботски и неприродно. Исто така има и препознатливи механики за борба од Вичер 1, со силен, среден и низок став во мeчувањето. Успева и тактиката добро позната во првичните Assasins Creed игри – парирање па удар, што резултира во анимирани брутални крвави докрајчувања на непријателиte.
Што се однесува до приказната, испаѓа дека е линеарна – без разлика што ќе направите – и делот со алтернативни гранки на дејство, или краеви, е отфрлен од оваа игра, иако дава привремена илузија на имапктни избори – што се ретки и незначајни.
Но, секако, едно е да се гледа играта на YouTube, односно која било игра, а друго е да се испроба со играње, така што ќе видиме каква ќе испадне оваа игра.
