Исламска држава потврди дека Џихади Џон, милитантот кој учествуваше во голем број егзекуции, загинал во воздушните напади во Сирија.
Во пропагандниот материјал на ИД се потврдува дека Абу Махариб ал-Мухајир, кој во светот е познат под прекарот Џихади Џон, е убиен и тоа со помош на беспилотно летало.
Од август 2014 година Џихади Џон се појави во неколку видеоснимки, на кои ги обезглавува своите жртви. Овој милитант, чие вистинско име е Мохамед Емвази, бил одговорен за неколку брутални ликвидации.