Артан Груби, пратеник од ДУИ, денеска се сретна со британскиот амбасадор во Македонија, Чарлс Гарет, со кого разменија мислења околу политичката криза во Македонија и разговараа за иднината на земјата по договорот на 2 јуни.
Груби ги пренесе ставовите на лидерот на партијата, Али Ахмети, и на ДУИ за потребата од спроведување на договорот од 2 јуни и спроведување на системските реформи, со што општеството и институциите на државата ќе ја вратат заемната доверба и ќе се овозможи еднаков и неоспорен натпревар од која и да е страна.
„ДУИ ќе направи дополнителни напори за надминување на политичката криза и очекува одговорно однесување од другите партии што треба да ги надминат партиските интереси и да ги стават државните интереси на прво место. Решавањето на кризата веќе е претворено и во услов за враќање на Македонија во евроатланската агенда, која е приоритет и ги обединува сите граѓани околу една заедничка цел“, порачуваат од ДУИ.