градски стадион Охрид
Градски стадион Охрид; Извор: Општина Охрид

ЈП „Билјанини Извори” и Фудбалската федерација на Република Северна Македонија (ФФМ) со нов проект ја продолжуваат започнатата успешна соработка во интерес на фудбалот во Охрид.

Со новиот проект, ФФМ на фудбалскиот терен на градскиот стадион „Билјанини Извори” ќе инсталира најсовремен систем за автоматско наводнување. За таа намена, до 3 април ќе бидат инсталирани 33 прскалки со сонда за влажност на почвата.

Новиот најсовремен систем за наводнување ќе придонесе за зголемувањето на квалитетот на самиот фудбалски терен, и секако, за намалување на потрошувачката на вода.

Поради овие активности, ЈП „Билјанини Извори” до 3 април го затвора охридскиот градски стадион за сите фудбалски корисници.